Belmont උසස් අධ්යාපන ආයතනයේ 2025 වසරේ උපාධි ප්රදානෝත්සවය කොළඹ, වෝටර්ස් එජ් පරිශ්රයේදී පසුගිය දා උත්කර්ෂවත් අයුරින් පැවැත්විණි. සිය අධ්යයන හා වෘත්තීය පාඨමාලා සාර්ථකව නිම කළ සිසු සිසුවියන්ගේ කැපවීම සහ දක්ෂතාවය ඇගයීම වෙනුවෙන් මෙම උත්සවය සංවිධානය කර තිබුණි. වත්මන් තරඟකාරී වෘත්තීය ලෝකයට අවශ්ය ප්රායෝගික කුසලතා සහ සදාචාරාත්මක පදනම සහිත, ගෝලීය ප්රමිතීන්ට අනුකූල වෘත්තීය අධ්යාපනයක් ලබා දීම සඳහා වන Belmont අධ්යාපන ආයතනයේ මෙහෙවර මෙහිදී මැනවින් පිළිබිඹු විය.
විශේෂ ආරාධිත අමුත්තන්, ආයතනයේ ජ්යෙෂ්ඨ කළමනාකාරීත්වය, ආචාර්ය මණ්ඩලය සහ දෙමාපියන් රැසක් මෙම උත්සව අවස්ථාව සඳහා සහභාගි වී සිටියහ. ව්යාපාර කළමනාකරණය, මානව සම්පත් කළමනාකරණය, තොරතුරු තාක්ෂණය සහ අධ්යාපන ක්ෂේත්රය ඇතුළු විෂය ධාරා රැසකින් සහතික මට්ටමේ සහ ඩිප්ලෝමා මට්ටමේ ඇගයීම් පිරිනැමීම මෙහිදී සිදු විය.
මෙහිදී උත්සව සභාව ඇමතූ Belmont උසස් අධ්යාපන ආයතනයේ සභාපති ෆයිස් ෂෙරිෆ්ඩීන් මහතා සිය අදහස් මෙසේ සඳහන් කළේය. “උපාධියක් හිමි කර ගැනීම ගමනක අවසානයක් නෙවෙයි. එය ජීවිත කාලය පුරාම පවතින ඉගෙනුම් ක්රියාවලියක ආරම්භයක්. එසේම නව වෘත්තීය ලෝකය තුළ සාර්ථකත්වය ළඟා කර ගත හැකි වන්නේ නිරන්තරයෙන් අලුත් වන දැනුම ගවේෂණය කරන සහ සදාචාරාත්මක නායකත්වයක් සහිත පුද්ගලයන්ට පමණයි. තාක්ෂණිකව දක්ෂ මෙන්ම සමාජීය වගකීම් හඳුනන වෘත්තිකයන් බිහි කිරීම අපගේ අරමුණයි.” යනුවෙන් ඒ මහතා වැඩිදුරටත් අවධාරණය කළේය.
උත්සවය අතරවාරයේ දී විශේෂ ඇගයීමක් ලෙස, ආයතනයේ විවිධ වැඩසටහන් සංවිධානය කරමින් දැක්වූ සුවිශේෂී දායකත්වය වෙනුවෙන් ශිෂ්ය සභාවේ සාමාජිකයන් වෙත කීර්තිමත් ‘බෙල්මොන්ට් පදක්කම’ ප්රදානය කිරීම ද සිදු විය.
න්යායාත්මක දැනුම සහ ප්රායෝගික පුහුණුව මැනවින් මුසු කරමින්, කර්මාන්ත ක්ෂේත්රයේ අවශ්යතාවන්ට සරිලන පරිදි නවීකරණය කරන ලද විෂය නිර්දේශයන් ඔස්සේ සිසුන් බලගැන්වීමට Belmont ආයතනය නිරන්තරයෙන් කටයුතු කරනු ලබයි. අධ්යාපනය නිම කර වෘත්තීය ලෝකයට පිවිසෙන 2025 කණ්ඩායම, රටේ අනාගත සංවර්ධනයට සහ ගෝලීය ආර්ථිකයට සක්රීය දායකත්වයක් ලබා දෙනු ඇතැයි ආයතනය අපේක්ෂා කරයි.