ප්රතිජීවක ප්රතිවිරෝධතාව, 21 වැනි සියවසේ ලෝකය මුහුණ දෙන දැවැන්තම අභියෝගයක් බවට පත්වී අවසන් ය. මේ හරහා ජීවිත ආරක්ෂා කරදෙන වටිනා ඖෂධවල ඵලදායීතාව අවම කරන අතර, ආහාර සුරක්ෂිතතාවට සහ මහජන සෞඛ්ය පවත්වාගෙන යාමට ද විශාල තර්ජනයක් මතුවේ. ප්රතිරෝධී ආසාදන අඛණ්ඩව ඉහළ යන විට, ඒවා සාමාන්ය වෛද්ය ක්රියා පටිපාටිවලට බලපෑම් කරමින් ආර්ථික අභියෝගයක් ද මතුකරයි. මෙම පසුබිම තුළ, නිව් ඇන්තනීස් ෆාම්ස් සමාගම ශ්රී ලංකාවේ ප්රතිජීවක ප්රතිවිරෝධතාවය වළක්වාගැනීමට තීරණාත්මක පියවර ගනිමින් සිටින අතර, වගකිවයුතු සහ තිරසාර ආහාර සැපයුම් ක්රමවේද මගින් එම ඉලක්කය සාක්ෂාත් කරගත හැකි බවට ආදර්ශ සපයයි.
ප්රතිජීවක ප්රතිවිරෝධතාව ජාතික තලයට මෙහෙයවීම
ඉකුත් නොවැම්බර් 24 වැනිදා කොළඹ වෝටර්ස් එජ් හෝටලයේදී ප්රතිජීවක ප්රතිවිරෝධතාව පිළිබඳ විශේෂ සංවාදයක් පැවැත්වුණි. නිව් ඇන්තනීස් ෆාම්ස් සමාගම විසින් සංවිධානය කරන ලද මෙම සංවාද මණ්ඩපයට ප්රතිපත්ති සම්පාදකයින්, කර්මාන්ත නායකයින්, සෞඛ්ය අංශ වෘත්තීකයින්, පශු වෛද්ය විශේෂඥයින්, සංවර්ධන හවුල්කරුවන් සහ මාධ්ය නියෝජිතයින් ඇතුළු පාර්ශ්ව රැසක් එක්ව සිටියහ.
සෞඛ්ය අමාත්යංශ ලේකම් විශේෂඥ වෛද්ය අනිල් ජාසිංහ මහතා ප්රධාන ආරාධිතයා ලෙස මෙම අවස්ථාවට සම්බන්ධ වූ අතර, විශේෂ ආරාධිතයා ලෙස ලෝක සෞඛ්ය සංවිධානයේ මෙරට ප්රධානී වෛද්ය මොමෝ ටකෙයුචි ද සහභාගී වූයේ ය. වෙනත් රාජ්ය ආයතන, පෞද්ගලික සංවිධාන වෛද්ය සංවිධාන සහ FAO ඇතුළු ජාත්යන්තර සංවිධාන ද මෙම සංවාද මණ්ඩලයට සහභාගී වීම කැපීපෙනුණි.
තව ද ප්රතිජීවක ප්රතිවිරෝධතාව පිළිබඳ විවිධ කෝණයන්ගෙන් පර්යේෂණ සිදුකරන විශේෂඥයෝ පිරිසක් ද මෙම සංවාද මණ්ඩපයට එක්ව සිටියහ. ඒ අනුව වෛද්ය පාලිකා එස්. ප්රනාන්දු මහත්මිය, පශුවෛද්ය ක්ෂුද්රජීවී විද්යාව, නියාමන ක්රියාවලිය සහ ප්රතිජීවකවලට ඇති ආදේශන පිළිබඳ අදහස් ඉදිරිපත් කළ අතර, මහජන සෞඛ්ය හා පෝෂණය, නියමු වැඩසටහන් සහ විද්යාත්මක කරුණු පදනම් කරගත් සන්නිවේදනය පිළිබඳ වෛද්ය රේණුකා ජයතිස්ස මහත්මිය අදහස් දැක්වූවාය. වෛද්ය සුසිල් සිල්වා මහතා තිරසර සත්ත්ව පෝෂණය සහ ප්රතිජීවකවලින් තොර මාංශ ආහාර නිෂ්පාදන ගැන සාකච්ඡා කළ අතර, වෛද්ය කුශලිනී ජයතිලක මිනිස් සෞඛ්යයට ඇති බලපෑම් සහ ජාතික ප්රතිජීවක ප්රතිවිරෝධතා නිරීක්ෂණ පද්ධතිය පිළිබඳ කරුණු ඉදිරිපත් කළාය. වෛද්ය වින්ධ්යා පෙරේරා විසින් මෙහෙයවනු ලැබූ මෙම සාකච්ඡා මණ්ඩපයේදී ප්රතිජීවක ප්රතිවිරෝධතාවට එරෙහිව සටන් කිරීමේදී මිනිස් සහ සත්ත්ව සෞඛ්ය යන අංශ දෙකෙහිම ඇති සහසම්බන්ධතාව දීර්ඝ ලෙස කතාබහට ලක්වුණි.
අලුත් පරම්පරාවට දැනුම ලබාදීම
ඉහළ මට්ටමේ ප්රතිපත්ති සම්පාදනයට සමගාමීව බිම් මට්ටම තුළ ප්රතිජීවක ප්රතිවිරෝධතාව පිළිබඳ අධ්යාපනයක් ලබාදීම කෙරෙහි ද නිව් ඇන්තනීස් ෆාම්ස් සමාගම අවධානය යොමුකර තිබේ. ඒ අනුව රුහුණු විශ්ව විද්යාලයේ කෘෂිකර්ම පීඨය සමඟ එක්ව ප්රතිජීවක ප්රතිවිරෝධතාව පිළිබඳ ශිෂ්ය වැඩමුළු සංවිධානය කිරීමට ද සමාගම පියවර ගෙන ඇත.
එහි ප්රතිඵලයක් ලෙස රුහුණු විශ්ව විද්යාලයේ වෛද්ය පීඨයේ ක්ෂුද්රජීවී විද්යා අංශ ප්රධානී වෛද්ය සුබෝධ වික්රමසිංහ මහතා ද, වෛද්ය චන්දිම ගජවීර මහතා, මහාචාර්ය ඉඳුනිල් පතිරණ මහතා සහ පශු වෛද්ය ළහිරු සඳරුවන් මහතා ඇතුළු තවත් විශේෂඥ කණ්ඩායමක්ද මෙම සැසියේදී අදහස් දැක්වූහ. සම්මුඛ සාකච්ඡා, සිද්ධි අධ්යයන සහ ප්රායෝගික උදාහරණ ඇසුරින් විශ්ව විද්යාල සිසුන් ප්රතිජීවක ප්රතිවිරෝධතාව පිළිබඳ සිදුකළ විද්යාත්මක අධ්යයන ද මෙහිදී ඉදිරිපත් කෙරුණි. ප්රතිජීවක නියාමනය, වගකීම් සහගත ආහාර නිෂ්පාදනය සහ ප්රතිජීවක අනිසි ලෙස භාවිතයේ පුළුල් බලපෑම් ආදිය ගැන මෙහිදී සාකච්ඡා විය.
සේවකයින් සවිබලගැන්වීම
සිය ප්රතිජීවක ප්රතිවිරෝධතා වැඩසටහනේදී ආයතන සේවකයින්ගේ සහයෝගය ද වැදගත් බව නිව් ඇන්තනීස් අවබෝධ කරගෙන සිටී. ඒ අනුව පසුගියදා හංවැල්ලේ පිහිටි නිව් ඇන්තනීස් කර්මාන්තශාලා පරිශයේදී ප්රතිජීවක ප්රතිවිරෝධතාව පිළිබඳ සේවකයින් දැනුවත් කිරීමේ සැසියක් ද සංවිධානය කෙරුණි. එහිදී ප්රතිජීවක අනිසි ලෙස භාවිතයෙන් මතුවන අවදානම ද, ප්රතිජීවක භාවිතයෙන් තොර කුකුළුමස් නිෂ්පාදනයේ ඇති වැදගත්කම ද සේවකයින්ට පහදා දෙනු ලැබීය.
කිසිදු ප්රතිජීවක භාවිතයකින් තොරව නිව් ඇන්තනීස් සමාගම නිෂ්පාදනය කරන හරිතහරි කුකුළුමස් නිෂ්පාදන පෙළ ගැන ද එම වැඩසටහනේදී දීර්ඝ වශයෙන් කරුණු ඉදිරිපත් කෙරුණි. විශේෂයෙන්ම හරිතහරි නිෂ්පාදනයේදී භාවිතකරන ක්රමවේද, අධීක්ෂණය සහ ආචාරධාර්මික ක්රියාපිළිවෙත් ගැන සේවකයින්ට අවබෝධයක් පිරිනැමුණි. ඒ අනුව තම සේවක කාර්යමණ්ඩලය ද සමාගමේ ප්රතිජීවක ප්රතිවිරෝධතාව වැඩසටහන සමඟ ඒකාබද්ධව කටයුතු කරන බව සහතික කරගැනීමට සමාගමට හැකිවිය.
පුළුල් ප්රවේශයක්
මෙම වැඩසටහන් සියල්ලක්ම 2025 ලෝක ප්රතිජීවක ප්රතිවිරෝධතා දැනුවත්කිරීමේ සතියට සමගාමීව ආරම්භ වීම කැපීපෙනේ. මෙහි අනෙක් විශේෂත්වය වන්නේ නිව් ඇන්තනීස් ෆාම්ස් සමාගම එම වැඩසටහන් සියල්ල පුළුල් ප්රවේශයක් ඔස්සේ ක්රියාත්මක කිරීමයි. එනම්, ප්රතිපත්ති සම්පාදනය, මහජන උපදේශනය, අධ්යාපනය සහ ආයතනික සමාජ වගකීම් වැනි පුළුල් පරාසයක් ඔස්සේ මෙම මෙහෙවර සිදුකිරීමයි.
ප්රතිජීවක ප්රතිවිරෝධතාවට එරෙහිව සටන් කිරීමේදී රාජ්ය අංශය, පෞද්ගලික අංශය මෙන්ම විද්වතුන්ගේ සහ සිවිල් සමාජයේ සහයෝගය ද ලබාගත යුතු බව නිව් ඇන්තනීස් ෆාම්ස් සමාගම විශ්වාස කරයි. මෙවැනි ජාතික මට්ටමේ සංවාද මණ්ඩප සංවිධානය කිරීමේ සිට බිම් මට්ටමේ සම්බන්ධීකරණය දක්වා පුළුල් පරාසයක් තුළ එම අරමුණ වෙනුවෙන් ක්රියාත්මක වීම හරහා ශ්රී ලංකාව තුළ මෙන්ම සමස්ත කලාපයේම සෙසු කර්මාන්ත ආයතන වෙත ද ආදර්ශයක් සැපයීමට සමාගම සමත්වී ඇත.
ප්රතිජීවක ප්රතිවිරෝධතාවයෙන් තොර අනාගතයක් උදාකරගැනීම
ප්රතිජීවක ප්රතිවිරෝධතාවට බලපාන මූලිකම සාධකයක් වළක්වාලමින් 100% ප්රතිජීවකවලින් තොර කුකුළු මස් නිෂ්පාදනය කිරීමට සමාගම දක්වන කැපවීම සමාගමේ මූලික ප්රවේශයක් ලෙස නම් කළ හැක. ප්රතිජීවක නොමැතිව කුකුළු මස් ඇති කිරීමෙන්, නිව් ඇන්තනීස් ෆාම්ස් ආහාර සැපයුම් දාමයේ ප්රතිරෝධී බැක්ටීරියා වර්ධනය වීමේ අවදානම අවම කරයි. ඒ හරහා පාරිභෝගිකයින්ට, මහජන සෞඛ්ය සේවාවන්ට සහ කෘෂි පරිසර පද්ධතියට විශාල ප්රතිලාභ හිමිවන අතර ශ්රී ලංකාවේ ආචාරධාර්මික කෘෂිකර්මාන්තය තුළ නව ප්රමිතියක් ද ස්ථාපිත කිරීමට සමත්ව තිබේ.
වගකිවයුතු නිෂ්පාදනය සහ වාණිජමය සාර්ථකත්වය එකවිට ළඟාකරගත හැකි බව මේ හරහා සමාගම ඔප්පු කිරීමට ද සමත්ව තිබේ. එනම් සදාචාරාත්මක භාවිතයන් තුළින් සන්නාම විශ්වසනීයත්වය, පාරිභෝගික විශ්වාසය සහ දිගුකාලීන තිරසාරභාවය වැඩිදියුණුවන බව දැනටමත් ඔප්පු වී අවසන් ය.
ඉදිරි ගමන්මඟ
බහුවිධ මුලපිරීම් රැසක් සමඟින්, ශ්රී ලංකාවේ ප්රතිජීවක ප්රතිවිරෝධතාව පිළිබඳ සංවාදය හැඩගැස්වීමට නිව් ඇන්තනීස් ෆාම්ස් සමාගම කටයුතු කරමින් සිටින බව පැහැදිලි ය. ප්රතිපත්ති සංවාද, ශිෂ්ය සහභාගීත්වය සහ සේවක අධ්යාපනය යන අංශ ආවරණය කරමින් සමාගම සැබෑම වෙනසක් සඳහා නායකත්ව භූමිකාවක් මෙන්ම උත්ප්රේරක භූමිකාවක් ද ඉටුකරමින් සිටියි. එනම් මහජන සෞඛ්ය අභියෝග අරභයා රජයේ ප්රතිපත්ති සහ ගෝලීය සෞඛ්ය න්යාය පත්රවලට අනුපූරක වන අයුරින් පෞද්ගලික අංශයේ කටයුතු කළ යුතු ආකාරය පිළිබඳ ආදර්ශමත් වැඩපිළිවෙළක් අනුගමනය කරයි.
දැනුම බෙදාගැනීම, සහයෝගීතාවය පෝෂණය කිරීම සහ හොඳම පිළිවෙත් ප්රවර්ධනය කිරීම මගින්, ශ්රී ලංකාවේ ආහාර හා සෞඛ්ය පද්ධතිවල ඔරොත්තු දීමේ හැකියාව ගොඩනැගීමට සමාගම දායක වන අතර, අනාගත පරම්පරාව සඳහා ප්රතිජීවක භාවිතය ඵලදායීවනු ඇති බව ද සහතික කරයි.
නිව් ඇන්තනීස් ෆාම්ස් සමාගමේ අරමුණ වන්නේ තම උපදේශන කාර්යයන් පුළුල් කිරීම, වැඩි පාර්ශ්වකරුවන් ප්රමාණයක් සම්බන්ධ කර ගැනීම සහ ප්රතිජීවකවලින් තොර කුකුළුමස් නිෂ්පාදනයේ නව ප්රමිතීන් ගොඩනැඟීමයි. විද්යාවෙන් දැනුවත්, ආචාර ධර්ම මගින් මෙහෙයවනු ලබන සහ මහජන සෞඛ්යය සඳහා කැපවීමෙන් මෙහෙයවනු ලබන තිරසාර පශු සම්පත් ගොවිතැනෙහි කලාපීය ප්රමුඛයා බවට ශ්රී ලංකාව පත්වනු දැකීම සමාගමේ තවත් අභිලාෂයකි.
ශ්රී ලංකාව ප්රතිජීවක ප්රතිවිරෝධතාවයෙන් තොර අනාගතයක් කරා යන ගමනට සෑම මට්ටමකින්ම සහයෝගීතාවය අවශ්ය වේ. ප්රතිපත්තිමය මැදිහත්වීම, අධ්යාපනය, අභ්යන්තර දැනුවත්භාවය සහ ආදර්ශමත් නිෂ්පාදන පිළිවෙත් තුළින් පෞද්ගලික ව්යවසායන්ට මෙම ව්යාපාරයට නායකත්වය දිය හැකි බව නිව් ඇන්තනීස් ෆාම්ස් පෙන්වා දී ඇත. ප්රතිජීවක ප්රතිවිරෝධතාව අඛණ්ඩව ගෝලීය තර්ජනයක් එල්ල කරන පසුබිමක, නිව් ඇන්තනීස් ෆාම්ස් සමාගම මහජන සෞඛ්යය සහ තිරසාර නිෂ්පාදනය අත්වැල් බැඳගත් අතිශය වැදගත් සැලැස්මක් ඉදිරිපත්කර තිබේ.