ලංකා ව්‍යාපාරික පුවත් - LBN
තෙන්නකෝන් ටුවර්ස් පෞද්ගලික සමාගම Business World International 2025 සම්මාන උළෙලේදී විශිෂ්ටම සංචාරක සේවා සමාගම ලෙස සම්මාන ලැබුවේය. Business World International Organization ගල්කිස්ස මහා හෝටලයේදී සංවිධානය කළ සම්මාන උළෙලේදී සමාගමේ සභාපති දේශමාන්‍ය ආචාර්ය නිලාන් ධනුක තෙන්නකෝන් මහතා වෙත සම්මානය පිරිනමන ලදී. Thennakoon Holdings සමාගම් සමූහයට අයත් තෙන්නකෝන් ටුවර්ස් සමාගම (0112823723) පෞද්ගලික සහ ආයතනික යන පාරිභෝගික කාණ්ඩ දෙවර්ගයටම පුළුල් පරාසයක විහිදී ඇති සේවා රැසක් සපයයි. එම ආයතනය මෙරට වැඩිම වාහන සංඛ්‍යාවක් සහිත ප්‍රවාහන සේවා සැපයුම්කරුද වේ. ඔවුන් වෙතින් ඕනෑම දුර ප්‍රමාණයක සංචාරයක් සඳහා කාර්, වෑන්, බස් ඇතුළු සියලු වර්ගයේ වාහන කුලී පදනම මත ගත හැකිය. රියදුරෙකු නොමැතිව වාහනයක් ගැනීමට අවශ්‍ය අයෙකුට දිගු කාලීන පදනම යටතේ වාහනයක් ගත හැකිය. කෙටි කාලීන පදනම යටතේ වාහන ගැනීමේදී වෘත්තීය සහ විනයගරුක රියදුරෙකුද සමඟ සේවය ගත හැකිය.
Thennakoon Holdings වෙතින් හෝටල් හා නවාතැන් වෙන් කිරීමේ සේවාද ගත හැකිය. ඔවුන් Premium Credit පෞද්ගලික සමාගම නමින් ණය සපයන මූල්‍ය ආයතනයක් මෑතකදී අරඹා ඇත. සෑම විටම පාරිභෝගිකයන්ගේ අවශ්‍යතාවලට මුල් තැන දෙන තෙන්නකෝන් ටුවර්ස් සමාගමේ වෘත්තීය පළපුරුද්ද සහිත පාරිභෝගික සේවා කණ්ඩායම පාරිභෝගික අවශ්‍යතා මැනවින් හඳුනා ගනිමින් ඒ ඒ පාරිභෝගිකයාගේ අවශ්‍යතාවට වඩාත් ගැළපෙන වාහනය තෝරා ගැනීමට මඟ පෙන්වයි. තමන් සතු වාහන විශ්වාසවන්තව සහ ආරක්ෂිතව කුලී පදනම මත සැපැයීමෙන් අමතර ආදායමක් උපයා ගැනීමට අපේක්ෂා කරන දිවයිනේ ඕනෑම ප්‍රදේශයක ජීවත් වන වාහන හිමිකරුවෙකුට තෙන්නකෝන් ටුවර්ස් සමාගම සමඟ සම්බන්ධ විය හැකිය. සමාගම කෙරෙහි විශ්වාසය තබා භාර දෙන කාර්, වෑන්, බස් ඇතුළු සියලු වාහන ඉතා හොඳින් නඩත්තු කිරීමට හා සම්පූර්ණ ආරක්ෂාව තහවුරු කිරීමට එම ආයතනය වග බලා ගනී. මීට පෙරද එම සමාගම දේශීය සහ විදේශීය සම්මාන රැසක් දිනා ඇත.
