ලංකා ව්‍යාපාරික පුවත් - LBN
කොළඹ, ශ්‍රී ලංකාව – 2025 මාර්තු: Delmege ලිහිසි තෙල් සමාගමේ අනුබද්ධිත සමාගමක් වන Delmege Forsyth Energy Pvt Ltd, ‘ශ්‍රී ලංකාවේ එකම ෂෙල් ලිහිසි තෙල් නිල බෙදා හැරීමේ සමාගම ලෙස 2024 දෙසැම්බර් මාසයේ සිට බලපැවැත්වෙන පරිදි පත් කර තිබේ.මෙය සමාගමේ ගමන් මග තුළ වැදගත් සන්ධිස්ථානයක් සනිටුහන් කරන අතර මෙම උපාය මාර්ගික හවුල්කාරිත්වය ඔස්සේ ගෝලීය මට්ටමේ වෙළෙඳ නාම මෙරට වෙළෙඳපල වෙත රැගෙන ඒම වෙනුවෙන් සමාගම දක්වන කැපවීම මැනවින් පිළිබිඹු වේ.
මෝටර් රථ, කාර්මික මෙන්ම නාවික ඇතුළු විවිධ කර්මාන්ත සඳහා නව්‍ය සහ ඉහළ කාර්යසාධනයක් සහිත ලිහිසි තෙල් සඳහා ප්‍රචලිත Shell බලශක්ති සහ ඛනිජ රසායනික නිෂ්පාදන ක්ෂේත්‍රයේ ගෝලීය ප්‍රමුඛයෙකී.
මෙම හවුල්කාරිත්වය පිළිබඳව අදහස් දක්වමින් Delmege Forsyth Energy හි සාමාන්‍යාධිකාරී ජගත් කාසිවත්ත මහතා මෙසේ සඳහන් කළේය. “ ශ්‍රී ලංකාවේ පාරිභෝගිකයන්ට Shell හි උසස් ලිහිසි තෙල් ලබා ගැනීම සඳහා වැඩි දියුණු කළ අවස්ථාවක් මේ ඔස්සේ පිරිනමනු ලබනවා. තනි හා වාණිජ පරිශීලකයන්ගේ අවශ්‍යතාවන් සපුරාලීම සඳහා උසස් ගණයේ සින්තටික් තාක්ෂණික ලිහිසි තෙල් තිරසර බවින් යුතුව Shell නිෂ්පාදන පෙළට ඇතුළත් වේ. Delmege සතු පුළුල් දේශීය විශේෂඥතාව සහ ශක්තිමත් බෙදාහැරීමේ ජාලය සමඟ මෙම සහයෝගීතාවය හරහා පාරිභෝගික තෘප්තිය සහ මෙහෙයුම් කටයුතුවල විශිෂ්ටත්වය සම්බන්ධයෙන් නව ප්‍රමිතීන් නිර්මාණය කිරීමට අපි සූදානම්.”
මෙම සමාගමේ උපායමාර්ගික ව්‍යාපාර සංවර්ධන හා සැලසුම් අධ්‍යක්ෂ අම්රිත් ආදිහෙට්ටි මහතා මේ සම්බන්ධයෙන් ඔහුගේ අදහස් එකතු කළේ මෙසේය. “ විශිෂ්ටත්වය සහ නවෝත්පාදනය සඳහා වූ කැපවීම Delmege විසින් නිරන්තරයෙන් ප්‍රදර්ශනය කර තිබෙනවා. ශ්‍රී ලංකාවේ ප්‍රමුඛ බලශක්ති විසඳුම් සැපයුම්කරුවෙකු ලෙස සමාගමේ ස්ථාවරය මෙම නව ව්‍යාපෘතිය ඔස්සේ තවදුරටත් තහවුරු කරනවා. තම විශේෂඥතාව උපයෝගී කරගනිමින් ශ්‍රී ලංකාව තුළ Shell වෙළෙඳපල පුළුල් කිරීමට Delmege Forsyth Energy සමාගම නව බෙදාහරින්නා ලෙස සැලසුම් කරනවා.එමෙන්ම මෙමඟින් බාධාවකින් තොරව නිෂ්පාදන ලබා ගැනීමේ හැකියාව මෙන්ම සේවා ප්‍රමිතීන්ද සහතික කරනු ලබනවා.දිනෙන් දින ඉහළ යන බලශක්ති ඉල්ලුමට සරිලන තාක්ෂණික හැකියාවන් සහ නව්‍ය විසඳුම් පිරිනමමින් තම ගනුදෙනුකරුවන් වෙත සිය උපරිම සහයෝගය ලබාදීමට සමාගම කැපවී සිටිනවා.”
Vallibel One සහ Delmege LTD හි කළමනාකාර අධ්‍යක්ෂිකා දිනූෂා භාස්කරන් මහත්මිය මේ පිළිබඳ අදහස් දක්වමින් මෙසේ ප්‍රකාශ කළාය. “ගෝලීය වශයෙන් ගෞරවය සහ ආකර්ෂණය දිනාගත්, ගුණාත්මකභාවයෙන් සහ විශ්වසනීයත්වයෙන් ඉහළ සන්නාමයක් වන Shell සමඟ හවුල්කාරිත්වයක් ඇරඹීමට අවස්ථාව ලැබීම පිළිබඳව අපි බෙහෙවින් සතුටු වෙනවා. මෙරට පාරිභෝගික ජනතාව වෙත ඉහළම පෙළේ නිෂ්පාදන සහ සේවාවන් සැපයීමේ අපගේ මෙහෙවර සමඟ මෙම හවුල්කාරිත්වය මැනවින් සමපාත වන අතර අපගේ අරමුණ වන්නේ මෙම සහයෝගීතාවය ඔස්සේ බලශක්ති අංශයේ තිරසාර වර්ධනයක් ඇති කිරීමයි.”
