ලංකා ව්‍යාපාරික පුවත් - LBN
ශ්‍රී ලංකාවේ ප්‍රමුඛතම ටයර් නිෂ්පාදකයා වන සියැට් කැලණි හෝල්ඩින්ග්ස් සමාගමෙහි ප්‍රජාව කේන්දා කරගත් සමාජ වගකීම් වැඩසටහන මගින් මෑතකදී හතරලියද්ද, පැලෑන මහා විද්‍යාලයේ සිසුන්ට පාසල් බෑග්, පාසල් සපත්තු සහ අභ්‍යාස පොත් පිරිනමන ලදී.
සියැට් විසින් සිදු කරන ලද මෙවැනි ව්‍යාපෘතියක පස්වැන්න වන මෙය සමාගමේ සැපයුම් දාමයේ වැදගත් අංශයක් වන රබර් වැවිලිකරුවන්ගේ දරුවන්ගේ අධ්‍යාපනයට සහාය වීම සඳහා නිර්මාණය කර ඇත. සියැට් කැලණි සමාගම භාවිත කරන ස්වභාවික රබර් වලින් 100% ක් ම දේශීය වෙළඳපොළෙන් ලබා ගන්නා අතර මේ තුලින් රට පුරා පවුල් 10,000 කට වැඩි පිරිසකගේ ජීවනෝපායන් සඳහා සහාය දක්වයි.
මෙම වැඩසටහන ඔස්සේ අත්‍යවශ්‍ය ද්‍රව්‍ය පිරිනැමීම මගින් දැනටමත් මතුගම, රත්නපුර, ගාල්ල, මොනරාගල සහ මහනුවර යන ප්‍රදේශවල රබර් ගොවි ප්‍රජාවන්හි ළමුන් 600 කට ආසන්න සංඛ්‍යාවකට ප්‍රතිලාභ ලැබී තිබේ.
මෙම නවතම පාසල් උපකරණ ප්‍රදානය සඳහා සියැට් කැලණි ප්‍රධාන මෙහෙයුම් නිලධාරී ෂමල් ගුණවර්ධන මහතා, සමාගමේ ජ්‍යෙෂ්ඨ කළමනාකාරිත්වයේ සාමාජිකයින්, ප්‍රදේශයේ සියැට් අලෙවි නියෝජිතයින් සහ ප්‍රතිලාභ ලත් පාසලේ විදුහල්පති, කාර්ය මණ්ඩලය, දෙමාපියන් සහ සිසුන් සහභාගී විය.
සියැට් කැලණි සමාගම වෙතින් ප්‍රතිලාභ ලැබූ සිසුන් කිහිප දෙනෙකු සේයාරුවෙන් දැක්වේ.
