නුවරඑළිය Summer Season විවෘත බැඩ්මින්ටන් තරගාවලිය 22 දා සිට 30 දක්වා නුවරඑළිය නගරසභා ගෘහස්ත ක්‍රීඩාංගණයේදී

ශ්‍රී ලංකා බැඩ්මින්ටන් ආයතනයේ අධීක්ෂණය යටතේ මධ්‍යම පළාත් බැඩ්මින්ටන් සංගමය නුවරඑළිය වසන්ත සමයට සමගාමීව සංවිධාන කරනු ලබන Summer Season  විවෘත බැඩ්මින්ටන් තරගාවලිය මේ මස 22 වැනිදා සිට 30 වැනිදා දක්වා නුවරඑළිය නගරසභා ගෘහස්ත ක්‍රීඩාංගණයේදී පැවැත්වේ.

ඕනෑම වයස් කාණ්ඩයකට අයත් ක්‍රීඩක ක්‍රීඩිකාවන්ට අවස්ථාව ලැබෙන පරිදි කනිෂ්ඨ, ජ්‍යෙෂ්ඨ, විවෘත, ඒකල, යුගල සහ මිශ්‍ර යුගල යන තරග පැවැත්වීමට මෙවර නුවරඑළිය Summer Season විවෘත බැඩ්මින්ටන් තරගාවලිය කටයුතු යොදා තිබේ.

තරගාවලියේ සමාරම්භක උත්සවය ලබන 22 වැනිදා පෙරවරු 9.00ට පැවැත්වෙන අතර, සමාප්ති උත්සවය 30 වැනිදා පස්වරුවේ පැවැත්වීමට නියමිතය. මෙවර තරගාවලිය සඳහා අයැදුම්පත් 1000කට ආසන්න සංඛ්‍යාවක් ලැබී ඇති අතර,  මෙම ශූරතාවලිය සඳහා සමස්ථ තරඟ 900කට ආසන්න ප්‍රමාණයක් පැවැත්වීමට නියමිතයි. මෙවර තරගාවලියට නවක ක්‍රීඩකයන් රැසක් ඇතුළත් වී සිටිති.