ලංකා ව්‍යාපාරික පුවත් - LBN
ශ්‍රී ලාංකේය සංචාරක ව්‍යාපාරය නගාසිටුවීම සඳහා සහය දැක්වීමේ අරමුණ පෙරදැරිව Sri Lanka Dentsu Grant සමූහය Dentsu India සමඟ අත්වැල් බැඳ ගනිමින් “And you thought you knew Sri Lanka” නමින් ඒකාබද්ධ සංචාරක ප්‍රචාරණ ව්‍යාපෘතියක් දියත් කරනු ලබයි.
ශ්‍රී ලංකා අභ්‍යන්තර සංචාර මෙහෙයවන්නන්ගේ සංගමය (SLAITO) සහ ශ්‍රී ලංකා හෝටල් සංගමය (THASL) වෙනුවෙන් වූ මෙම ප්‍රචාරණ ව්‍යාපාරය විශේෂයෙන්ම නිර්මාණය කර ඇත්තේ තරුණ ඉන්දියානු සංචාරක වෙළඳපොළ ආකර්ශනය කරගැනීමේ මූලික අරමුණෙනි. ඉන්දියානු සංචාරකයන් විසින් ඩොලර් බිලියන 10 කට ආසන්න මුදල් ප්‍රමාණයක් විදේශ සංචාර සඳහා වැය කරනු ලබන බව නවතම දත්ත මගින් පෙන්නුම් කරයි. උදාවී ඇත්තේ එම සංචාරක වෙළෙඳපොලෙන් කොටසක් මෙරටට කැන්දාගෙන ඒම පිණිස ප්‍රයත්නයක් දැරිය හැකි මොහොතකි.
ශ්‍රී ලංකාව තුළ බොහෝ දෙනෙකුගේ ඇස නොගැටුණු, මෙතෙක් ප්‍රසිද්ධ නොවූ නමුත් වටිනාකම් රාශියකින් යුතු ආකර්ෂණීය ස්ථාන හඳුනා ගනිමින් එම ස්ථාන සංචාරකයින් සඳහා විවර කිරීම මෙම නව ප්‍රචාරණ වැඩසටහනේ අරමුණයි.
ශ්‍රී ලංකාවේ ඉන්දීය මහ කොමසාරිස්,ගරු ගෝපාල් බාග්ලේ ,සංචාරක හා ඉඩම් අමාත්‍ය හරීන් ප්‍රනාන්දු , SLAITO හි සභාපති නිෂාද් විජේතුංග, THASL හි සභාපති එම් ශාන්තිකුමාර්,Dentsu සමූහ ව්‍යාපාරයේ සභාපති නීලා මරික්කාර් යන මහත්ම මහත්මීන්ගේ ප්‍රධානත්වයෙන් මෙම වැඩසටහනෙහි සමාරම්භය සනිටුහන් විය .මෙරට කර්මාන්ත ක්ෂේත්‍රයේ බොහෝ දෙනෙකු මෙන්ම සමාජ මාධ්‍ය ක්‍රියාකාරීහුද මේ සඳහා සහභාගි වූහ.
එහිදී අදහස් දැක්වූ ශ්‍රී ලංකා අභ්‍යන්තර සංචාරක මෙහෙයවන්නන්ගේ සංගමයේ (SLAITO) සභාපති නිෂාද් විජේතුංග මහතා,
“ කාර්යබහුල ජීවන රටාවෙන් මිදී තමන්ගේ නිවාඩුව නිස්කලංකව ඒ වගේම විනෝදයෙන් ගත කිරීමට බලාපොරොත්තු වන තරුණ ඉන්දියානුවන් ඉලක්ක කරගත් මෙවැනි ඒකාබද්ධ අලෙවිකරණ ව්‍යාපාරයක් ආරම්භ කිරීම පිළිබඳව SLAITO සහ THASL මේ වෙනුවෙන් මූලිකත්වය ගත් සියලු දෙනාට ස්තූතිවන්ත වෙනවා. මේ වැඩසටහන තුළින් අපේ රටේ සැඟවුණු වටිනාකම්වලින් යුත් ස්ථාන නරඹමින් වෙනස්ම අත්දැකීම් සම්භාරයක් ලඟා කරගන්න සංචාරකයන්ට හැකියාව ලැබෙනවා.ශ්‍රී ලංකාවේ සංචාරක ව්‍යාපාරය වර්ධනය කරන්න ඉන්දියානු සංචාරකයින්ගෙන් හැම අවස්ථාවකදීම විශාල සහයෝගයක් ලැබෙනවා.ඔවුන් අපේ රටේ සංචාරක ව්‍යාපාරයට ශක්තියක්.ඉතින් තවත් ඉන්දියානු සංචාරකයන් ආකර්ශනය කර ගැනීමට මෙවැනි වැඩසටහන් තුළින් හැකියාව ලැබෙනවා. මේ වැඩසටහන අපේ රටේ සංචාරක ක්ෂේත්‍රයට අලුත් ආරම්භයක්.මේ තුළින් අපේ රටේ ආර්ථික අර්බුදය විසදීමට විශාල සහයෝගයක් ලැබේ යැයි අපි විශ්වාස කරනවා.”
ශ්‍රී ලංකා හෝටල් සංගමයේ (THASL) සභාපති එම් ශාන්තිකුමාර් මහතා මෙම වැඩසටහන පිළිබඳව අදහස් දක්වමින්, “ලෝකයේ වෙන කිසිම රටකට සම කරන්න බැරි වටිනා සංස්කෘතියක් අපේ රටට තියෙනවා.ඇත්තටම මේ පුංචි දූපතේ හැම බිම් අඟලක්ම පුදුමාකාරයෙන් ආකර්ෂණීයයි. Dentsu හි අදහස සාක්ෂාත් කර ගැනීම සඳහා SLAITO සමඟ හවුල් වීමට THASL අවස්ථාවක් ලැබීම ඉතාමත් සතුටට කාරණාවක්.අපේ රටේ සංචාරක කර්මාන්තය නැවත වතාවක් නගාසිටුවීමට මේ වැඩසටහන තුළින් විශාල ශක්තියක් ලැබෙනවා වගේම ලංකාවේ පිහිටි ආකර්ෂණීය වටිනාකම් වලින් පිරි ස්ථාන සහ නිර්මාණ ඉන්දියානු සංචාරකයින්ගේ හදවත් වශීකෘත කරනවා නොඅනුමානයි.”
මෙහිදී වැඩිදුරටත් අදහස් දැක්වූ Dentsu Grant සමූහයේ සභාපතිනී නීලා මරික්කාර් මහත්මිය,
“මෙරට කුඩා හා මධ්‍ය පරිමාණ ව්‍යවසායක අංශය සහ සංචාරක ක්ෂේත්‍රය දැඩි පීඩාවකට පත් වෙලා ඇති අවස්ථාවක, එය නඟා සිටුවීම සඳහා සහයෝගය දැක්වීමට අවස්ථාවක් ලැබීම අපට සතුටක්. මේ දුෂ්කර අවස්ථාවේ දී රටට උපකාර කරන්නේ කොහොමද කියලා Dentsu ජාලය විමසා බැලුව. ඒ අනුව අපේ රටේ සංචාරක ව්‍යාපාරය යළි නගා සිටුවන්න සහයෝගය දක්වන්න වැඩසටහනක් නිර්මාණය කරලා ඉන්දියාවේ සිටින අපගේ සගයන්ගේ සහයෝගයත් ඒ වැඩසටහන සඳහා ලබාගන්න අපි තීරණය කළා. මෙය මේ රටට විදේශ විනිමය ඉක්මනින්ම කැඳවාගෙන ඒමට අපට කළ හැකි සහයෝගයක් ලෙසින් අපි මෙය දකිනවා. අපගේ දත්තවලට අනුව ඉන්දියාව තමයි මේ මොහොතේ අපේ හොඳම තේරීම. අපගේ තක්සේරුවට අනුව දකුණු ඉන්දියාවේ පමණක් අපි ඉලක්ක කරන පිරිස මිලියන 24ක්. අපට අවශ්‍යයි අපගේ ඉලක්කගත තරුණ ප්‍රජාවට ශ්‍රී ලංකාවේ ඔවුන් නොදන්නා අපූර්වත්වයන් ගැන පවසන්න, එම නිසා අපේ ප්‍රචාරක ව්‍යාපාරයෙන් සිදුකිරීමට බලාපොරොත්තු වන්නේ එයයි. ඉන්දීය සංචාරකයන් වැඩි වශයෙන් මෙරටට ආකර්ශනය කරගැනීමට THASL සහ SLAITO වෙත සහයක් වන්නට ලැබීම අපට ගෞරවයක්. එමෙන්ම මෙම වැඩසටහන සාර්ථක කර ගැනීම සඳහා ඉන්දියාවේ Dentsu Creative සහ Dentsu X හී සහයෝගය ලබාගන්න අපට හැකිවීම ඉතාමත් සතුටක් .ඒ වගේම ආරම්භක අදියරේදී ඉන්දියාවේ මාධ්‍ය ආයතන කිහිපයක සහයෝගයත් නොමිලේම ලබා ගැනීමට අපිට හැකි වුණා. අපි මෙවැනි අභියෝගයක් බාර ගැනීම ඔවුනුත් අගය කළා.ඒ වගේම ඔවුන්ගෙන් අපට ලැබුණ සහයෝගයට ද අපි ස්තුතිවන්ත වෙනවා. තරුණ ඉන්දියානු සංචාරකයන් අපේ රටට ආකර්ෂණය කර ගනිමින් අපේ සුන්දර රට නරඹන්න ඔවුන් තුළ තව තවත් උද්යෝගයක් ඇති කිරීම, ශ්‍රී ලංකාවේ ප්‍රමුඛතම නිර්මාණාත්මක අළෙවි සන්නිවේදන නියෝජිත ආයතනය වන අපගේ බලාපොරොත්තුවයි. ත්‍රාසය කුතුහලය පිරුණු සංචාරක අත්දැකීම් හොයන තරුණ ඉන්දියානු වෘත්තිකයන්ට නවතම අත්දැකීමක් ලබා දීම සඳහා අපේ රටේ සැඟවුණු සුන්දර ස්ථාන යොදා ගැනීමට මෙම වැඩසටහන තුළින් බලාපොරොත්තු වෙනවා. පාසිකුඩා හී මුහුදුබත් වූ නැව, ඇල්ල හී නිල් දිය පොකුණ, සබරගමුවේ කබරගල කඳු නැගීම; කිතුල්ගල White Water Rafting; සහ කල්පිටියේ ජල ක්‍රීඩා මේ වැඩසටහනේදී අවධානය යොමු කරන ස්ථාන සහ අංග ඒ අතරින් කිහිපයක්.”
ශ්‍රී ලංකා සංචාරක ප්‍රවර්ධන කාර්යාංශය (SLTPB), සිනමන් හොටෙල්ස් & රිසොර්ට්ස්, විලාසිතා සඳහා අනුග්‍රහය දක්වමින් Lois London ආයතනය, උසස් තත්ත්වයේ පිහිනුම් ඇඳුම් ලබා දෙමින් PR ආයතනය ද Greenfolk, iFilm හි මලින්ද බණ්ඩාර, Gal Oya and Juice නොමිලේ වීඩියෝ දර්ශන අවස්ථාව ලබා දෙමින්, රූගත කිරීම් වෙනුවෙන් Water garden සහ Aitken Spence Hotels නවාතැන් සහ ස්ථාන සපයමින් අපේ මේ වැඩසටහනේ හවුල්කරුවන් ලෙස දායක විය.
