විභාගයෙන් වඩා ඉහළ ප්‍රතිඵල ලබා ගැනීම සඳහා ජාත්‍යන්තර පාසල් දරුවන් වෙත IGCSE Buddy හඳුන්වාදෙයි

පාසල් සිසු සිසුවියන් විභාග සඳහා සාර්ථකව සූදානම් කිරීම වෙනුවෙන් AI මඟින් ක්‍රියාත්මක නවතම IGCSE Buddy වේදිකාව පසුගියදා මෙරටට හඳුන්වා දෙන ලදී. රටවල් 8ක සිසු සිසුවියන් 100,000කට අධික ප්‍රමාණයකගේ විශ්වාසය දිනාගෙන සිටින මාර්ගගත ඉගෙනුම් සැපයුම්කරුවකු වන Tutopiya විසින් හඳුන්වා දෙනු ලැබූ මෙම සුවිශේෂී විශේෂාංගය එහි “GoGlobal: Sri Lanka” වැඩසටහනෙහි තවත් එක් පියවරක් ලෙස පෙන්වා දිය හැකිය. ඒ අනුව ඉදිරියේදී මෙරට පාසල් දරුවන්ගේ අධ්‍යාපන දියුණුව වෙනුවෙන් IGCSE Buddy ශ්‍රී ලංකාව පුරා පාසල් සමඟ එක්ව කටයුතු කරනු ඇත.
 



 
පසුගියදා ලීඩ්ස් ජාත්‍යන්තර පාසල් ජාලයේදී ශාඛා 5ක් මූලික කොටගෙන මෙම IGCSE Buddy ක්‍රියාත්මක කරන ලද  අතර ඒ තුළින් සිසුන් 181 දෙනෙකුට හා ගුරුවරු 36 දෙනෙකුට 2025 මැයි සහ ජූනි යන මාසවලදී පැවැත්වෙන Pearson Edexcel IGCSE සාමාන්‍ය පෙළ සහ උසස් පෙළ (A/L) සුදුසුකම් ලැබීමේ විභාග සඳහා සූදානම් වීමට උපකාරී වනු ඇත. දිවයින පුරා ශාඛා 17කට හිමිකම් කියන ලීඩ්ස් ජාත්‍යන්තර පාසල් ජාලය GoGlobal හි ප්‍රථම ශ්‍රී ලාංකේය හවුල්කරුවා ලෙස මෙන්ම පුද්ගලික ආයතනයක් ලෙස ප්‍රතිලාභ ලබන පළමු වේදිකාව ලෙසද සඳහන් කළ හැකිය.

මේ සම්බන්ධයෙන් අදහස් දැක්වූ ලීඩ්ස් ජාත්‍යන්තර පාසලේ අධ්‍යක්ෂිකා මලිති ජයතිස්ස මහත්මිය පැවසුවේ “විභාගය සඳහා සූදානම් වන අප දරුවන්ගේ දැනුම දියුණු කිරීම වෙනුවෙන් සහාය විය හැකි අධ්‍යාපන තාක්ෂණයන් අනුගමනය කිරීමට අපි නිරන්තරයෙන් කටයුතු කරනවා. එහි තවත් සුවිශේෂී පියවරක් වන IGCSE Buddy අපගේ මෙහෙවර සඳහා මනාව ගැලපෙන අතර අපගේ පාසලේ දරුවන් සහ ගුරුවරුන් වෙත මෙම පහසුකම පිළිබඳව පුහුණුව හා දැනුවත්භාවය ලබා දීමට ශ්‍රී ලංකාවේ GoGlobal කණ්ඩායම අප සමඟ ඉතා සහයෝගයෙන් කටයුතු කරනවා” යනුවෙනි.

මෙහිදී අදහස් දැක්වූ Tutopiya හි නිර්මාතෘ නුහා ගවුස් මහත්මිය සඳහන් කර සිටියේ “සිසු අධ්‍යාපනයේ සුවිසල් වෙනසක් ඇති කරන IGCSE Buddy, අධ්‍යාපනයෙහි ඇති අඩුපාඩු හඳුනාගනිමින් ඒවා මඟහැර ගැනීම සඳහා AI තාක්ෂණය භාවිත කිරීමේ අවස්ථාව ලබා දී තිබෙනවා. මෙය භාවිත කරන සිසුන් විභාගවලදී 30% – 40%ක සාර්ථකත්වයක් අත්කර ගැනීමට සමත්ව සිටිනවා. සමස්ත අධ්‍යාපන සාර්ථකත්වය ප්‍රදර්ශනය කරන විභාග සඳහා සූදානම් වීමේද සිසුන්ට සුවිසල් ශක්තියක් සපයන මෙය ගුරුවරුන් හා පාසල් පරිපාලකයින්ට අවශ්‍ය පහසුකම් සැපයීමටද සමත්ව තිබෙනවා.” යනුවෙනි.

IGCSEs සහ IALs වැනි තරඟ විභාගවලදී පාසල්, සිසු සිසුවියන් පමණක් නොව දෙමව්පියන් මුහුණ දෙන පීඩනයට සුවිසල් සහනයක් ලබා දීමට මෙම විසඳුම සමත්ව සිටියි. සීමිත සම්පත් හා ඉල්ලුමක් ඇති විෂය නිර්දේශ හේතුවෙන් කේම්බ්‍රිජ් හා එඩෙක්සෙල් විෂය මාලාවන් උගන්වන පුහුණුවලත් පළපුරුදු ගුරුවරුන් බඳවා ගැනීමද මේ වන විට අභියෝගයක්ව පවතින බැවින් ඉහත විසඳුම තවදුරටත් වැදගත් වනු නිසැකය.

IGCSE Buddy වෙතින් සිසුන්ට ප්‍රතිලාභ ලබා ගත හැකි ආකාරය

විභාග සඳහා සිසු සිසුවියන් සූදානම් කරනු ලබන සාමාන්‍ය වේදිකාවක් මෙන් නොව මෙහිදී ඒ ඒ සිසු සිසුවියන්ට ගැලපෙන ආකාරයෙන් AI තාක්ෂණය යොදා ගැනීමේ අවස්ථාව IGCSE Buddy උදාකර දෙයි. මෙහිදී ඉහළ මට්ටමේ රෝග විනිශ්චය මෙවලමක් භාවිත කරමින් ශිෂ්‍යයාගේ හැකියාවන් හා දුර්වලතා හඳුනා ගනිමින් ඔවුන්ට ගැලපෙන ආකාරයේ අධ්‍යයන සැලැස්මක් ඉදිරිපත් කරයි. පැරණි ප්‍රශ්න පත්‍ර 10,000කට අධික ප්‍රමාණයක් වෙත පිවිසෙමින් නිවැරදි පිළිතුරු මෙන්ම මඟ පෙන්වීම තුළින් තමන්ට වඩාත් සුදුසු ප්‍රතිචාර ලබා ගැනීමට ඔවුන්ට හැකි වේ.

නවතම විෂය නිර්දේශයන් ආවරණය කරන අයුරින් සකස් කර ඇති සටහන් හා නිබන්ධන වීඩියෝද මේ හරහා ඉදිරිපත් කරන අතර ඇගයීම් සඳහා ගත වන කාලය නිරීක්ෂණය කරමින් කාල කළමනාකරණය පිළිබඳ පෙන්වා දීමද මෙහි විශේෂත්වයකි. ඒ තුළින් විභාගය සඳහා තවදුරටත් සහාය වීමට ඊට හැකියාව ඇත.

මෙය පාසල් පරිපාලනයට හා ගුරුවරුන්ට ප්‍රයෝජනවත් වේද?

ගුරුවරුන් සඳහා ඉගෙනීමට අවශ්‍ය ප්‍රසන්ති, ස්ලයිඩ්ස්, ෆ්ලෑෂ් කාඩ්ස් මෙන්ම තක්සේරු කිරීම් ඒමොහොතේම ලබා ගත හැකි පසුගිය ප්‍රශ්න පත්‍ර ප්‍රතිපෝෂණ සහ පන්ති කාමරයේ ඉගෙනීමට අවශ්‍ය අන්තර්ක්‍රියාකාරී සම්පත් ඇතුළු විභාගයන්ට පෙර වටිනා කාලය ඉතිරිකර දෙන අවස්ථාවන් උදා කරයි.

එසේම විෂය නිර්දේශයේ සියලු තේමාවන් හරහා ලකුණු සහ වේලාව අනුව සහයෝගීතාව සහ පුද්ගල ක්‍රියාකාරීත්වය විශ්ලේෂණය කරන උපකරණ ඉදිරිපත් කරමින් විභාගයන්ට පෙර දත්ත මත පදනම් වූ මැදිහත්වීම් සිදු කිරීමේ අවස්ථාව අධ්‍යාපන බලධාරීන් වෙත උදා කර දෙයි.

සාමාන්‍ය පෙළ විෂයයන් 11ක් සහ උසස් පෙළ විෂයයන් 5ක් වෙත අසීමිත ප්‍රවේශ පහසුකම් සලසා දෙන IGCSE Buddy වෙත පිවිසීමට මාසික ගෙවීමක් තුළින් හැකියාව ඇත. එය එක් පැයක පෞද්ගලික උපකාරක පන්ති පිරිවැයකට සමාන වේ. එළඹෙන මැයි/ජූනි මාසයන්හිදී පැවැත්වීමට නියමිත විභාගයන් සඳහා සූදානම් වීම වෙනුවෙන් සහාය වීමට පාසල් වෙත කෙටි කාලීන දීමනාවක් ලබා දීමටද GoGlobal මේ වන විට කටයුතු කර ඇත. සාමාන්‍ය පෙළ විභාගය සඳහා අවධානය යොමු කරන සිසු සිසුවියන් හා ගුරුවරුන් වෙුනවෙන් පුද්ගල/මාර්ගගත විභාග සම්මන්ත්‍රණ, ආකර්ෂණීය ත්‍යාගයන් සහිත ගෝලීය ප්‍රශ්නාවලි, පාඩම් පැහැදිලි කිරීමට අවශ්‍ය උපකරණ පුවරුද මෙහිදී ලබා දෙයි. මේ පිළිබඳ වැඩිදුර තොරතුරු www.igcsebuddy.com වෙතින් ලබා ගත හැකිය.