ලංකා ව්‍යාපාරික පුවත් - LBN
ශ්‍රී ලාංකිකයින්ට ලොව උසස්ම තත්ත්වයේ සෞඛ්‍ය නිෂ්පාදන ලබාදෙන බවර් සමාගම පසුගියදා German multinational medical device සමාගමේ ශ්‍රී ලාංකික උප සමාගමවන Fresenius Medical Care Lanka සමාගම සමඟ විශේෂ සහයෝගීතාවකට මුලපිරීය.
ඒ අනුව, ලොව දැවැන්ත සහ කීර්තිමත් ඖෂධ සන්නාම රැසක් වෙනුවෙන් ආචාරධාර්මික, විශ්වාසනීය සහ විශිෂ්ට පාර්ශ්වකරුවෙකු ලෙස ක්‍රියාකරන බවර් සමාගම තම නවීන ඩිජිටල් යටිතල පහසුකම් පද්ධතිය සහ ඵලදායී ව්‍යාපාර ආකෘති හරහා Fresenius Medical Care Lanka හි නිෂ්පාදන බෙදාහැරීමට කටයුතු කරනු ඇත.
ඒකාබද්ධ වටිනාකම් රැගත් මෙම ක්‍රමෝපායික සහයෝගීතාව තුළින් රෝගීන්ට ඉහළ සේවාවක් හිමිවීම කැපීපෙනෙයි. විශේෂයෙන්ම ශ්‍රී ලංකාව තුළ නිදන්ගත වකුගඩු රෝගය දැඩි ව්‍යාප්තියක් පෙන්නුම් කරයි. එවන් පසුබිමක රුධිර කාන්දුකරණ විසඳුම් යනු අතිශය වැදගත් සෞඛ්‍ය අවශ්‍යතාවකි. මෙම නව සහයෝගීතාව තුළින් මෙවැනි සෞඛ්‍ය අවශ්‍යතා සපුරාලීමේ හැකියාව පවතියි.
Fresenius Medical Care යනු වකුගඩු ආශ්‍රිත රෝගීන්ට අවශ්‍ය නිෂ්පාදන සහ සේවා සැපයීමේ ප්‍රමුඛයෙකි. රුධිර කාන්දුකරණ යන්ත්‍ර හෙවත් ඩයලයිසර් යන්ත්‍ර ද සමාගම විසින් නිෂ්පාදනය කරනු ලබයි.
වර්ෂ 1945 සිට සෞඛ්‍ය සේවා ක්ෂේත්‍රය තුළ සේවා සපයන බවර් සමාගම මේ වනවිට විශ්වාසනීයත්වය, නවෝත්පාදනය සහ ගුණාත්මකභාවය පිළිබඳ ඉහළ කීර්තියක් සහිත ශල්‍ය වෛද්‍ය, රෝග විනිශ්චය සහ පෝෂණ වෛද්‍ය නිෂ්පාදන හඳුන්වා දී ඇත. Fresenius Medical Care Lanka සමාගම බවර් සමාගම සමඟ එළැඹි සහයෝගීතාව ද එම ගමන්මඟෙහි වැදගත් සන්ධිස්ථානයකි.
ඊට අමතරව Novartis, Roche, Sanofi, GSK, Sandoz, Nestlé Health Science, Merck, Merck Sharp and Dohme, J&J (Specialty Care), Takeda (Vaccines), Mega Life Sciences, Vitrolife, Viatris, Isispharma, Unichem, Apex, Alcon, Inova, Eisai, Rohto, Dexa Medica, සහ Ajanta Pharma ආදී අනෙකුත් ගෝලීය මට්ටමේ සෞඛ්‍ය සේවා සමාගම් රැසක නිෂ්පාදන මෙහෙයුම් ද බවර් සමාගම විසින් ශ්‍රී ලංකාව තුළ මෙහෙයවනු ලබයි. එමෙන්ම වෛද්‍ය උපකරණ ක්ෂේත්‍රය තුළ ගෝලීය සමාගම්වන Medtronic, Becton Dickinson, Omron, Perkin Elmer, Welch Allyn ආදී සමාගම් ද බවර් නියෝජනය කරයි.
බවර් සමාගමේ තවත් විශේෂත්වවයක් වන්නේ
නිෂ්පාදකයාගේ සිට රෝගීන් දක්වා නිෂ්පාදන බෙදාහැරීම තුළ ඉහළම මට්ටමේ පාලනයක් සහ අනුකූලතාවක් සපයන බවර් සමාගම, කර්මාන්ත ප්‍රමිතීන් ද අනුගමනය කරමින් දිවයින පුරා නිෂ්පාදන බෙදාහැරීමේ නියැළී සිටියි.
හුදු ව්‍යාපාරකරණ සහයෝගීතාවයනේ ඔබ්බට ගොස් සමාජ සුබසාධන කටයුතු වෙනුවෙන් ද බවර් සහ Fresenius Medical Care Lanka සමාගම් එක්ව ක්‍රියාකරයි. ස්විට්සර්ලන්ත බවර් සමාගමේ නිර්මාතෘ වූ වූ ඇල්ෆ්‍රඩ් ඉයුජීන් මහතා නමින් නම් කර ඇති බවර් පදනම මගින් ද විවිධ සමාජ සත්කාර සංවිධානවලට සහාය දක්වයි.
