ලංකා ව්‍යාපාරික පුවත් - LBN
ශ්‍රී ලංකා බැඩ්මින්ටන් ආයතනය සහ ශ්‍රී ලංකා බැඩ්මින්ටන් පුහුණු සංවර්ධන කමිටුව එක්ව සංවිධාන කරනු ලැබූ පුහුණුකරුවන් පුහුණු කිරීමේ පළමු මට්ටමේ වැඩසටහන කොළඹ, මෙට්ලන්ඩ් පෙදෙසේ, ශ්‍රී ලංකා බැඩ්මින්ටන් ආයතනයේ ගෘහස්ත ක්‍රීඩාගාරයේදී ආරම්භ විය. ශ්‍රී ලංකාවේ විවිධ පළාත් නියෝජනය කරමින් පුහුණුකරුවන් 52 දෙනකු එම සිව්දින වැඩසටහනට එක්වී සිටිති.
දිවයින පුරා විසිරී සිටින යොවුන් බැඩ්මින්ටන් ක්‍රීඩක ක්‍රීඩිකාවන්ට සිය දැනුම හා ප්‍රවීණත්වය සපයා දෙනු ලබන මෙරට පුහුණුකරුවන් දැනුවත් කිරීම අරමුණු කරමින් එම වැඩසටහන පැවැත්වෙයි. විවිධ වයස් කාණ්ඩවල පසුවන විවිධ නිපුණතා මට්ටම්වලින් සමන්විත එම පුහුණුකරුවන් එම වැඩසටහනේ පුහුණු සැසි මගින් විශේෂිත පුහුණුවක් ලබා ගනු ඇත.
