අමානා බැංකුවේ ඩිල්ශාඩ් හමීඩ් 2023 Merdeka Cup තරඟාවලියේදී ශ්‍රී ලංකාව නියෝජනය කරමින් ශූරතාවය දිනාගනී.

පසුගියදා මැලේසියාවේදී පැවැත් වූ 2023 Merdeka Cup තරඟාවලියේදී ශූරතාවය දිනාගනිමින් ශ්‍රී ලංකාව නියෝජනය කිරීමට ශ්‍රී ලංකා වෙළඳ සේවා මේස පන්දු සංගම් කණ්ඩායම සමත් විය. ඒ සඳහා අමානා බැංකුව නියෝජනය කරමින් එහි කාර්ය මණ්ඩල සාමාජිකයෙකු වන ඩිල්ශාඩ් හමීඩ් මහතා ද ඇතුළත් විය.

අමානා බැංකුවේ කටුගස්තොට ශාඛාවේ සහකාර කළමනාකරු ලෙස කටයුතු කරන ඩිල්ශාඩ් හමීඩ් මීට පෙරද අමානා බැංකුව නියෝජනය කරමින් තරඟාවලි රැසකදී ජයග්‍රහණ වාර්තා කරගෙන තිබේ.

“ශ්‍රී ලංකාව සහ අමානා බැංකුව නියෝජනය කරමින් ඩිල්ශාඩ් හමීඩ් 2023 Merdeka Cup තරගාවලියේදී දැක්වූ දස්කම් අපට මහත් ආඩම්බරයක්. ක්‍රීඩා හැකියාවන් සහිත අප කාර්ය මණ්ඩල සාමාජික සාමාජිකාවන්ට අත්වැලක් වීමට අප සෑම විටම උත්සාහ කරනවා. ඒ අනුව ක්‍රිකට්, පාපන්දු, පැසිපන්දු සහ ටෙනිස් ඇතුළු ක්‍රීඩා රැසක දක්ෂතා පෙන්නුම් කළ සාමාජිකයන්ට  ශ්‍රී ලංකා වෙළඳ සේවා ක්‍රීඩා තරඟාවලි සඳහා සහභාගී වීමට අප නිරන්තර සහයෝගය ලබා දී තිබෙනවා.” අමානා බැංකුවේ ප්‍රධාන මෙහෙයුම් නිලධාරී ඉම්තියාස් ඉක්බාල් මහතා පැවසී ය.

“2023 Merdeka Cup මේස පන්දු තරඟාවලියේදී  ශ්‍රී ලංකාව සහ අමානා බැංකුව නියෝජනය කිරීමට ලැබීම මා ලැබූ විශාල ගෞරවයක්. රටේ සාර්ථකත්වයේ කොටස්කරුවෙකු වීමට ලැබීම පිළිබඳව මා බෙහෙවින් ආඩම්බර වනවා. මේ ගමනේදී අමානා බැංකුවෙන් ලැබුණු සහයෝගය මට සුවිශාල ශක්තියක් වුණා. ඉදිරියේදී තවත් මෙවැනි ජයග්‍රහණ රැසක් සනිටුහන් කරගැනීම මගේ බලාපොරොත්තුවයි.” ඩිල්ශාඩ් හමීඩ් පැවසී ය.