ලංකා ව්‍යාපාරික පුවත් - LBN
මොබිටෙල් Master Unlimited පැකේජ මාස 12කට වැඩි කාලයක සිට භාවිතා කරන පාරිභෝගිකයින් සුවිශේෂී ඇගයීමකට ලක්කරමින් ඔවුන් මිලදී ගන්නා Samsung සහ Apple ස්මාර්ට් ජංගම දුරකථන සඳහා 40% දක්වා වටිනා වට්ටම් පිරිනැමීමට මොබිටෙල් සමාගම කටයුතු කර තිබේ.
ඒ අනුව තම මුදල් ඉතිරි කරගනිමින් නවීන Samsung සහ Apple ස්මාර්ට් ජංගම දුරකථන හිමිකරගැනීමට මොබිටෙල් පාරිභෝගිකයින් දැන් සුදුසුකම් ලබා සිටිති. මෙම සුවිශේෂී දීමනාව නිසා මොබිටෙල් පාරිභෝගිකයින්ට Samsung A30 දුරකථනයක් රුපියල් 25,666/- කට මිලට ගැනීමට හැකි වන අතර එහි වෙළෙඳපොල වටිනාකම රුපියල් 45,490 /-කි. එමෙන්ම Samsung A50 දුරකථනයක් රුපියල් 37,628/- කට මිලට ගැනීමට හැකි වන අතර එහි වෙළෙඳපොල වටිනාකම රුපියල් 59,690/- කි. එපමණක් නොව මෙම සුවිශේෂී දීමනාව හිමිකරගනිමින් මොබිටෙල් පාරිභෝගිකයින්ට Apple iPhone 7 දුරකථනයක් රුපියල් 56,400/- කට මිලට ගැනීමට හැකි වන අතර එහි වෙළෙඳපොල වටිනාකම වගකීම් සහතිකයද සමගින් රුපියල් 81,490/- කි.
මොබිටෙල් විසින් ශ්‍රී ලංකාවේ ප්‍රථම වරට හඳුන්වා දෙන ලද Master Unlimited පැකේජයන් වන Master Voice, Master Voice & Data සහ Master Data පැකේජ භාවිතා කරන පාරිභෝගිකයින් ඇගයීමක් වශයෙන් මෙම සුවිශේෂී ප්‍රවර්ධන වැඩසටහන ක්‍රියාත්මක කර තිබේ. රුපියල් 2,999/- වැනි මාසික අයකිරීමකට මොබිටෙල් Master Unlimited Voice පැකේජය සඳහා අසීමිත Data ලබාදෙන අතර, Master Unlimited Voice සහ Data පැකේජය මාසිකව රුපියල් 3,999/- අයකිරීමක් යටතේද Voice only පැකේජය මාසිකව රුපියල් 1,500/- ක් වැනි අයකිරීමක් යටතේද මොබිටෙල් විසින් සිය පාරිභෝගිකයින්ට ලබා දෙයි.
ඉතාමත් සාධාරණ මිල ගණන් යටතේ වේගවත් අන්තර්ජාල සබඳතාවයක් ලබාදෙන මොබිටෙල් Master Unlimited Data පැකේජය නිසා බාධාවකින් තොරව වීඩියෝ නැරඹීමට පාරිභෝගිකයාට හැකියාව ලැබුණු අතර, තම Data ප්‍රමාණය ඉක්මනින් අවසන් වේ යැයි යන බියද ඉවත්ව ගොස් තිබේ. මොබිටෙල් සමාගම ලෝකයේ නවීනතම ජංගම දුරකථන තාක්ෂණයන් ජාත්‍යන්තර ප්‍රමිතීන්ට අනුකූලව මෙරටට හඳුන්වාදීමට කැපවීමෙන් කටයුතු කරන අතර තරඟකාරී මිල ගණන් යටතේ ඩිජිටල් ජංගම උපාංග අලෙවියටද කටයුතු කරයි. තම පාරිභෝගිකයින් නිරන්තරවම අගයකරමින් ඔවුන් වෙත වටිනා වට්ටම් හා දීමනා පිරිනමන මොබිටෙල් සමාගම වෙළෙඳපොලේ තරගකාරීම මිල ගණන් යටතේ voice සහ data පැකේජද ලබා දෙයි. එපමණක් නොව මොබිටෙල් අලෙවි සැල් වෙතින් නවීනතම ස්මාර්ට් ජංගම දුරකථන හා ජංගම උපාංග සුවිශේෂී දීමනා යටතේ ලබා දීමටද කටයුතු කරමින් සිටී.
