ලංකා ව්‍යාපාරික පුවත් - LBN
90 දශකයේ මුල් භාගයේ සිට මෙරට පාරිභෝගික ජනතාවගේ හදවත් දිනා ගැනීමට සමත් වූ ආරක්ෂිත බඳුන් පිරිසිදුකාරක දියරයක් ලෙස ‘Teepol’ නිෂ්පාදන හඳුන්වා දිය හැකිය. වර්තමානය වන විට මෙරට බඳුන් පිරිසිදුකාර දියර අතර ප්‍රමුඛ ස්ථානයක් හිමිකර ගන්නා ‘Teepol’ නිෂ්පාදනය වැඩිදියුණුවූ නව මුහුණුවරකින් වෙළෙඳපොළ වෙත නැවත හඳුන්වා දීමට එහි නිෂ්පාදන සමාගම වන Darley Butler & Company Limited කටයුතු කර තිබේ.
Teepol යනු, වසර 174ක සාඩම්බර ඉතිහාසයකට උරුමකම් ඇති දේශීය සමාගමක් වන Darley Butler & Company Limited විසින් මෙරට වෙළෙඳපොළ වෙත ඉදිරිපත් කරන සුවිශේෂී සන්නාමයක් වන අතර, එම නිෂ්පාදනය ආරම්භයේ පටන් ම මෙරට පාරිභෝගික ආකර්ෂණය හා විශ්වාසය ඉතා හොඳින් ග්‍රහණය කරගැනීමට සමත් වී ඇති බව පැවසීම නිවැරදි ය. බඳුන් පිරිසිදුකාරක වැනි විිවිධ පිරිසිදුකාරක දියර නිෂ්පාදනය සම්බන්ධයෙන් ඇති විිවිධ පරීක්ෂාවන්ට ලක් කරමින් නිපදවා ඇති Teepol බඳුන් පිරිසිදුකාරක දියර නිෂ්පාදනයේ දී කෝමාරිකා සාරය යොදා ගන්නා නිසා එය භාවිතයේ දී දෑතට අහිතකර නොවන නිෂ්පාදනයක් ලෙස හඳුන්වා දිය හැකි ය. එහි අඩංගු කෝමාරිකාවල ඇති තෙත් ගුණය, දිගු වේලාවක් ජලයට නිරාවරණය වීම නිසා සම වියළීම හා සමට හානි වීම වළක්වන දෑතට සුමුදු නිෂ්පාදනයක් බවට ජර්මනියේ විද්‍යාත්මක පර්යේෂණ සඳහා සුදුසුකම් ලත් ජාත්‍යන්තර රසායනාගාර ජාලයක් මගින් තහවුරු කර ඇත. 2019 වසරේ දී ශ්‍රී ලාංකේය වෙළෙඳපොළ වෙත නැවත හඳුන්වා දෙනු ලැබු teepol බඳුන් පිරිසිදුකාර දියරය, පුළුල් ආරක්ෂිත ක්‍රමවේදයන්‍ට අනුකූලව නිපදවන ලද, ස්වාභාවිකව වියෝජනය වන මෙරට ප්‍රථම බඳුන් පිරිසිදුකාරක දියර සන්නාමය වීම විශේෂිත ය. Teepol බඳුන් පිරිදුකාරක දියරයෙහි නව සංයෝගය ජලය සමග ඉතා හොඳින් තනුක වීම නිසා අඩු දියර ප්‍රමාණයකින් වැඩි පිඟන් ගණනක් සෝදා ගැනීමේ හැකියාව ද ලබා දෙයි.
Teepol නිෂ්පාදනය Teepol Lime Dishwash Liquid, Teepol Orange Dishwash Liquid, Teepol Lemony Lime Dishwash Liquid (Anti-Bacterial Variant) සහ Teepol Kids Dishwash Liquid ලෙස වර්ග 4ක් යටතේ මෙරට වෙළෙඳපොළ වෙත නිකුත් කෙරෙන අතර, කුඩා ළමුන්ට ද භාවිත කළ හැකි වන අයුරින් ආරක්ෂිතව නිපදවා ඇත. දැඩි තෙල් සහ ආහාර පැල්ලම් ඉවත් කිරීමට Teepol සතු හැකියාව මුළුතැන්ගෙයි උපකරණ සියල්ලක් ම පිරිසිදුව හා නැවුම්ව තබා ගැනීම සඳහා උපකාරී වනවා මෙන් ම, Teepol තුළ ඇති බැක්ටීරියා විනාශකිරීමේ හැකියාව නිසා භාජනවල ඇති බැක්ටීරියා බලපෑම්ද ඵලදායී ලෙස ඉවත්කිරීම ද සුවිශේෂී කොට දැක්විය හැකි ය.
Teepol නිෂ්පාදනයේ දී තිරසාර මෙන් ම පරිසර හිතකාමී නිෂ්පාදන ක්‍රියාවලියක් අනුගමනය කරන නිසා ම Teepol Orange Dishwash සහ Teepol Lime Dishwash යන නිෂ්පාදන නැවත පිරවිය හැකි ඇසුරුම්වලින් ලබා ගත හැකි අතර, එමඟින් ඇසුරුම් සඳහා භාවිත කරන ප්ලාස්ටික් ප්‍රමාණය 70%කින් පමණ අවම කරගැනීමට හැකියාව ලැබේ. මෙම නැවත පිරවිය හැකි ඇසුරුම් නිසා පාරිභෝගික ජනතාවට 15% ක ඉතිරියක් ලබා දෙන බව ද පැවසිය යුතු ම කරුණකි. එමෙන් ම සියලු ම Teepol නිෂ්පාදන මෙරට ඕනෑම සුපිරි වෙළෙඳසැලකින් හෝ සිල්ලර වෙළෙඳසැලකින් ලබා ගත හැකි වීම ද විශේෂිත ය.
