ලංකා ව්‍යාපාරික පුවත් - LBN
ජනාධිපති අනුර කුමාර දිසානායක මහතා හට ඉදිරි අභියෝගාත්මක ගමන සඳහා බැංකු ක්ෂේත්‍රයේ උපරිම සහයෝගය ලබාදෙන බව සහතික කරමින් ශ්‍රී ලංකා බැංකු සංගමය (SLBA) විසින් එතුමාට සුභාශිංසන ප්‍රකාශ කර ඇත.
ශ්‍රී ලංකාවේ සියලුම බලපත්‍රලාභී බැංකු නියෝජනය කරන මෙම සංගමය විසින් ජනාධිපතිවරයා වෙත යවන ලද සුබපැතුම් පණිවිඩයේ “අත්‍යවශ්‍ය දේශපාලන හා සමාජ ස්ථාවරත්වය සඳහා ආර්ථිකය සැමවිටම ආධාරකයක් වන අතර බැංකු අංශය මෙම ව්‍යුහයේ මූලික අංගයක් වේ. මූල්‍ය ස්ථායිතාවයේ තිරසාර බව සහතික කිරීම සඳහා අපගේ භූමිකාව අපි අවබෝධ කරගෙන ඒ සඳහා සම්පූර්ණයෙන්ම කැපවී සිටින්නෙමු,” යැයි සංගමය පැවසීය.
ශ්‍රී ලංකා බැංකු සංගමයේ සම්පූර්ණ පණිවිඩය: “ඔබ අපගේ ජාතියේ ජනාධිපති ධූරයට තේරී පත්වීම පිළිබඳ ශ්‍රී ලංකාවේ සියලුම බලපත්‍රලාභී බැංකු නියෝජනය කරනු ලබන ශ්‍රී ලංකා බැංකු සංගමය (SLBA) උණුසුම් සුබපැතුම් පිළිගන්වමු.”
“මෙම අවස්ථාවේදී, ඔබගේ නායකත්වය යටතේ ඉදිරි අභියෝගාත්මක ගමන සඳහා බැංකු ක්ෂේත්‍රය ඔබට උපරිම සහයෝගය ලබා දෙන බවට සහතික වෙමු. අත්‍යවශ්‍ය දේශපාලන හා සමාජ ස්ථාවරත්වය සඳහා ආර්ථිකය සැමවිටම ආධාරකයක් වන අතර බැංකු අංශය මෙම ව්‍යුහයේ මූලික අංගයක් වේ. මූල්‍ය ස්ථායිතාවයේ තිරසාර බව සහතික කිරීම සඳහා අපගේ භූමිකාව අපි අවබෝධ කරගෙන ඒ සඳහා සම්පූර්ණයෙන්ම කැපවී සිටින්නෙමු.”
“ශ්‍රී ලංකා මහ බැංකුවේ අධීක්ෂණය යටතේ පවතින බලපත්‍රලාභී බැංකු වශයෙන්, අපගේ සාමාජිකයින් නියාමනයෙහි උසස් ප්‍රමිතීන් සහ සදාචාරාත්මක අනුකූලතාවයන් වෙත බැඳී පවතියි. සියලු පාර්ශව කණ්ඩායම් සඳහා ඔවුන්ගේ වගකීම් සම්පූර්ණ කරමින් සහ මෙම පරාමිතීන් තුළ අපගේ රටෙහි ප්‍රගතිය සඳහා අඛණ්ඩව සහයෝගය දක්වන්නෙමු.”
“අපි ඔබටත් ගරු අග්‍රාමාත්‍යතුමියටත් ඉදිරි ගමන සාර්ථක වේවායි ප්‍රාර්ථනා කරමු.”
