2025 අගෝස්තු 1 වන දින සිට බලපැවැත්වෙන පරිදි ශ්රී ලංකාව සහ මාලදිවයින සඳහා එමිරේට්ස් ගුවන් සමාගමේ කළමනාකරු ලෙස ජාබර් මොහොමඩ් මහතා පත් කර ඇති බව එමිරේට්ස් ගුවන් සමාගම නිවේදනය කර ඇත.
එමිරේට්ස් හි වාණිජ අරමුණු සඳහා සහාය වීම, මෙම දූපත් රාජ්යයන් දෙක පුරා ගුවන් සමාගමේ මෙහෙයුම් අධීක්ෂණය කිරීම මෙන්ම විවිධ කොටස්කරුවන් සමඟ තීරණාත්මක සබඳතා පවත්වා ගැනීම සඳහා ජාබර් මොහොමඩ් මහතා කටයුතු කරනු ඇත.
වර්තමානයේ ජාබර් මහතා බංග්ලාදේශයේ එමිරේට්ස් හි කළමනාකරු වශයෙන් කටයුතු කරන අතර බටහිර ආසියාව, ඉන්දියානු සාගරය සහ අප්රිකාව පුරා ප්රධාන වෙළඳපලවල ගුවන් සමාගමේ පැවැත්ම ශක්තිමත් කිරීම සඳහා නිර්මාණය කර ඇති උපායමාර්ගික වාණිජ කණ්ඩායම් පත්වීම් කිහිපයකට ඔහුගේ නව පත්වීම ද ඇතුළත් වේ.
1986 අප්රේල් මාසයේදී එමිරේට්ස් ගුවන් සේවය ශ්රී ලංකාවට මෙහෙයුම් ආරම්භ කළ අතර මගී සහ භාණ්ඩ ප්රවාහන සේවා සමඟ රටේ සංචාරක සහ අපනයන කර්මාන්ත සඳහා නිරන්තරයෙන් සහාය වී ඇත. සම්මානලාභී ගුවන් සේවය මෙහෙයුම් ආරම්භ කළ දා සිට කොළඹට සහ ඉන් පිටතට මිලියන 12 කට අධික මගීන් සංඛ්යාවක් රැගෙන ගොස් ඇත.
එමිරේට්ස් දැනට කොළඹට දිනපතා ගුවන් ගමන් හතරක් ක්රියාත්මක කරන අතර ඉන් දෙකක් ගුවන් සමාගමේ ප්රිමියම් ඉකොනොමි පහසුකම පිරිනමයි. මෑතකදී එමිරේට්ස් A350 ගුවන් යානය කොළඹ වෙත එමිරේට්ස් දෛනික සේවාවක් සඳහා යොදවා ඇති අතර, ඊට අමතරව නවීකරණය කරන ලද බොයිං 777 ගුවන් යානය සමඟින් ද ගමනාන්තයට සේවය සපයයි.