ලංකා ව්‍යාපාරික පුවත් - LBN
කොමර්ෂල් බැංකුවේ ‘වයිබ්’ තරුණ ගිණුම ප්‍රවර්ධනය කිරීම උදෙසා කෘතීම බුද්ධිය භාවිත කරමින් සිදුකළ ඩිජිටල් අලෙවිකරණ ව්‍යාපාරය, ජාතික තරුණ සේවා සභාව සහ Women in Management සංවිධානයේ සම්මාන උළෙලේදී ‘වසරේ තරුණ වෙළඳ ප්‍රවර්ධන වැඩසටහන’ සම්මානය දිනා ගත්තේය.
‘වයිබ්’ විසින් ප්‍රබෝධමත් කරන ‘හෙට දිනය ඔබේමයි’ යන ප්‍රචාරක ව්‍යාපාරය, තරුණ තරුණියන්ට ඔවුන්ගේ ජීවිතය සහ අනාගතය කෙරෙහි තිබූ ආශාව නැවත පණ ගැන්වීමට කටයුතු කළ අතර, හැකියාවන් නිමක් නැති බව ඔවුන්ට පෙන්වීමට කෘතීම බුද්ධි තාක්‍ෂණය භාවිත කරන ලදී. මෙලෙස කෘතීම බුද්ධියේ සහාය ඇතිව මෙම ව්‍යාපාරය තරුණ පරපුරට ඔවුන්ගේ සිහින අනාගතය දැකගන්න අවස්ථාව ලබා දුන්නා පමණක් නොව, එම සිහින සාක්‍ෂාත් කර ගැනීම සඳහා ඔවුන්ට කළ හැකි දේ පිළිබඳ මග පෙන්වීමක්ද ලබා දුන්නේය.
www.yourvibe.lk අඩෙවිය මෙන්ම Meta, Instagram, Linkedin, Google Ads සහ මාධ්‍ය ආයතන කිහිපයක වෙබ් අඩවි සහ ජනප්‍රිය සමාජ මාධ්‍ය බලපෑම් කරන්නන් සමූහයක් මගින් ප්‍රවර්ධනය කරන ලද ‘හෙට දිනය ඔබේමයි’ ඩිජිටල් ප්‍රවර්ධනය අනාගත සිහින 5,000කට වඩා නිර්මාණය කිරීමට උපකාරී විය. ඉලක්ක කරගත් තරුණ ප්‍රේක්‍ෂකයින්ගෙන් 88%ක් සමග මාස 3ක කාලයක් තුළ සම්බන්ධවී 6,000කට අධික උත්පාදනයන් ජනනය කළ මෙම වැඩසටහන ‘වයිබ්’ ගිණුම් සංඛ්‍යාවේ සැලකිය යතු වර්ධනයකට දායක වූ බැව් බැංකුව පවසයි.
2020දී හඳුන්වා දෙන ලද කොමර්ෂල් බැංකුවේ ‘වයිබ්’ ගිණුම නිර්මාණය කර ඇත්තේ, තරුණ තරුණියන්ට ඔවුන්ගේ අභිලාෂයන් ඉදිරියට ගෙන යෑමට සහ ගිණුම් හිමියන්ගේ ක්‍රීඩා ජයග්‍රහණ සඳහා ත්‍යාග පිරිනමන විශේෂ ප්‍රතිලාභ සමගින් ජීවිතයේ වඩාත්ම තීරණාත්මක අවධියකට සහාය වීම සඳහාය.
ශ්‍රී ලංකාවේ පරිසරයට කාබන් මුදාහැරීම 100% තුලනය කළ ප්‍රථම බැංකුව සහ ලෝකයේ හොඳම බැංකු 1000 අතරට පත්වු පළමු දේශීය බැංකුව වන කොමර්ෂල් බැංකුව මේ වනවිට දිවයින පුරා බැංකු ශාඛා 271 ක් සහ ස්වයංක්‍රීය යන්ත්‍ර 957 ක් ක්‍රියාත්මක කරයි. ශ්‍රී ලංකාවේ සුළු සහ මධ්‍යම පරිමාණයේ ව්‍යාපාර වලට විශාලතම ණය සම්පාදනය කරන්නා මෙන්ම දේශීය බැංකු ක්ෂේත්‍රයේ ඩිජිටල් නව්‍යකරණය සඳහා ප්‍රමුඛයෙකු වන කොමර්ෂල් බැංකුව බංග්ලාදේශය තුළ ශාඛා 20 ක් ද මියන්මාරයේ නේ පයිටව් හි, ක්ෂුද්‍ර මූල්‍යන සමාගමක් මෙන්ම මාලදිවයින තුළ බහුතර කොටස් හිමිකාරීත්වයෙන් යුතු පළමු පෙළ බැංකුවකින් සමන්විත විදේශීය මෙහෙයුමක් පවත්වාගෙන යන ශ්‍රී ලංකාවේ එකම පුද්ගලික වාණිජ බැංකුව ද වේ.
